Nəhayət, Vinisius Juniorun “Real”dakı aqibəti müəyyənləşib.

"Football-plus.az" xəbər verir ki, İspaniya klubunun rəhbərliyi braziliyalı futbolçunun gələcəyi ilə bağlı qərar qəbul edib. COPE-nin məlumatına görə, rəhbərlik Vinisiusla yolları ayırmağı düşünmür.

Son vaxtlar futbolçu tənqid hədəfinə çevrilib və “Sevilya” ilə oyunda “Santyaqo Bernabeu” tribunalarının fitə basması onun mümkün gedişi ilə bağlı şayiələri artırıb. Lakin klub Vinisiusa tam etimad göstərir. “Real” rəhbərliyi hesab edir ki, Vinisius layihənin əsas fiqurlarından biridi və onun ən yaxşı illəri hələ qarşıdadı.

COPE-nin məlumatına görə, “Real” 2026-cı ildə 25 yaşlı hücumçuya yeni müqavilə təklif etməyi də planlaşdırır.