Sabiq məşhur hakim pul qoyuluşu qalmaqalında NİK-ə sövq edildi
Türkiyə futbolunda oyunlara pul qoyuluşu ilə bağlı qalmaqal davam edir.
"Football-plus.az" xəbər verir ki, tez-tez araşdırmanın yeni dalğaları və tanınmış isimlərin saxlanılmaları baş verir. Bu dəfə yenə hakimlər diqqət mərkəzinə düşüb. Bu barədə Türkiyə Futbol Federasiyasının rəsmi saytında məlumat yerləşdirilib.
Orda qeyd olunub ki, araşdırma nəticəsində son 5 ildə hakimlik fəaliyyəti ilə məşğul olmuş və oyunlara pul qoyuluşu etdiyi müəyyənləşdirilən 9 hakim Nizam-İntizam Komitəsinə sövq ediliblər. Onlardan 8-i köməkçi, biri əsas əsas hakimdi. Söhbət Türkiyənin tanınmış ədalət təmsilçilərindən olan və dəfələrlə önəmli qarşılaşmalara təyinat alan Əli Palabıyıkdan gedir.
Maraqlıdı ki, 44 yaşlı Palabıyık karyerasını 2023-də başa vurub. O, NİK-ə sövq edilməsinin ardından ''Now Spor'' adlı ''yutub'' kanalına diqqətçəkən acıqlamalar verərək haqqında səsləndirilən iddiaları rədd edib:
''Təxminən 4 aydı, Amerikadayam. Son xəbərləri dostumun mənə atdığı mesajdan sonra öyrəndim. Məni ləkələməyə çalışırlar. 2022-də də cəhd göstərdilər, alınmadı. İndi də bunu davam etdirirlər. Həyatımın heç bir dönəmində pul qoyuluşu etməmişəm. Heç bir bukmeker saytında qeydiyyatdan keçməmişəm və heç vaxt heç kimə hər hansı bir oyunla bağlı məlumat ötürməmişəm. Bu işlərin başında Hakimlər Komitəsinin sədri Fərhat Gündoğdu dayanıb. Neçə hakimi haqsız yerə kənarlaşdırıb və hələ də bunu davam etdirir. Son 5 ildən söhbət gedirsə, mən bu 5 ilin 3 ilində oyun idarə etməmişəm. Digər 2 ildə isə mənə yalnız 10 oyun veriblər. ''Alanyaspor'' - ''Qalatasaray'' matçının ardından mənə 3 aylıq cəza verdilər və 2023-də zatən hakimlikdən getdim. Belə davam etsə, hakim qalmayacaq və ikinci dövrədə əcnəbi hakimləri çağıracaqlar."
Digər xəbərlər
