“Arsenal”ın mövsümün əvvəlində “Sportinq”dən 63,5 milyon avroya böyük ümidlərlə transfer etdiyi Viktor Dyökereş İngiltərədə müzakirə mövzusu olmaqda davam edir.

"Football-plus.az" xəbər verir ki, İsveç yığmasının üzvü son turda səfərdə “Everton”a penaltidən qol vurmaqla həm komandasına vacib qələbə qazandırdı, həm də 5 oyunluq qolsuz seriyaya son qoydu. O, bu mövsüm premyer-liqada iştirak etdiyi 15 qarşılaşmada ikisi penaltidən olmaqla 5 qol vurub. Etiraf edək ki, hücumçu üçün heç də yüksək göstərici deyil.

İngiltərə yığmasının sabiq üzvü Qari Lineker də məhz belə düşünür: “Holann artıq premyer-liqada 19 qol vurub. Norveç yığmasının heyətində də seçmə mərhələdə vacib qollar vurub. İnanılmaz göstəricilərə malikdi. Bu mövsüm “Arsenal”la “Siti” arasındakı çempionluq mübarizəsində məhz Holann amili həlledici rol oynaya bilər. “Arsenal” fanatları məndən inciməsin, amma Dyökereşlə Holann eyni səviyyədə deyil. Dyökereş zədədən dönəndən sonra cəmi bir dəfə fərqlənib. O qolu da penaltidən vurub”.

Amma İngiltərə futbolunda iz buraxmış daha bir önəmli isim – Ueyn Runi isə fərqli cür düşünür. O, 27 yaşlı isveçlinin oyununu tərifləyib: