Viktor Dyökereş karyerasını “Mançester Yunayted”də davam etdirə bilər.

Tanınmış insayder Florian Plettenberqin məlumatına görə, MY-nin yeni baş məşqçisi Ruben Amorim onu hazırkı komandasında görmək istəyir. İngiltərə klubu artıq 26 yaşlı hücumçu üçün hərəkətə keçib. Rəhbərlik transfer üçün “Sportinq”lə danışıqlara başlayıb.

Amma bu da var ki, “Yunayted” Dyökereş üçün “Mançester Siti”, “Real” kimi nəhəng klublarla mübarizə aparmalı olacaq. Futbolçunun “Sportinq”lə müqaviləsinin müddəti 2028-ci ilin yayınadək nəzərdə tutulub. Onun transfer dəyərinin 70 milyon avro olduğu bildirilir.

Qeyd edək ki, Viktor cari mövsümdə “Sportinq”in formasında 21 matçda meydana çıxıb, 24 qol vurub və 4 məhsuldar ötürmə edib.