“Bavariya”da ciddi itki

“Bavariya” ciddi itki ilə üzləşib. Komandanın kapitanı və əsas qapıçısı Manuel Noyer zədələnib.
"Football-plus.az" xəbər verir ki, klubun məlumatına görə, təcrübəli futbolçu bundesliqanın 14-cü turunun “Maynts-05” ilə keçirilən matçında (2:2) xəsarət alıb.

Aparılan tibbi müayinələr Noyerin sağ bud əzələsində yırtıq olduğunu üzə çıxarıb. Hələlik 37 yaşlı qapıçının yaşıl meydanlara qayıdış vaxtı ilə bağlı dəqiq məlumat açıqlanmayıb.

14 turdan sonra 38 xal toplayan “Bavariya” turnir cədvəlinin lideridi. Manuel isə bu mövsüm keçirdiyi 12 oyunun 5-də qapısını toxunulmaz saxlayıb.