“Football-plus.az” “Ayaks”ın rəsmi saytına istinadla xəbər verir ki, Niderland nəhəngini Bakıya gətirən təyyarə artıq yola çıxıb.

Klub saytı baş məşqçi Fred Qrimin çərşənbə günü keçiriləcək oyunda hansı futbolçuların xidmətindən yararlana bilməyəcəyini də xəbər verib. Zədəlilər - Kennet Teylor, Vut Veqhorst və Yosip Şutalo “Qarabağ”a qarşı oynaya bilməyəcəklər, yəni gəlmirlər. Ceyms Makkonnell, Cerald Alders və Stiven Berqheys də Amsterdamda qalıb.

“Ayaks” Bakıya Milo van der Lans qarışıq 23 futbolçu ilə gəlir. Gənc müdafiəçi ilk dəfə “Qroningen”lə oyunda əsas heyətdə yer alıb.

Qrimin Bakıya gətirdiyi 23 futbolçunun siyahısı: qapıçılar – Vitezslav Yaroş, Remko Pasver, Coeri Herkens; müdafiəçilər – Lukas Roza, Anton Qoey, Ko İtakura, Ouen Veyndal, Yuri Baas, Aaron Bouemen, Jori Mokyo, Sean Steur, Milo van der Lans; yarımmüdafiəçilər – Yuri Regeer, Davi Klassen, Oskar Qlux, Branko van den Bumen, Kian Fits-Cim, Raul Moro, Mika Qodts, Oliver Edvardsen, Rayan Bunida; hücumçular – Kasper Dolberq, Don-Ancelo Konadu.