Çempionlar Liqasının liqa mərhələsinin 6-cı turunda keçiriləcək "Qarabağ" - "Ayaks" (Niderland) oyununun təyinatları bəlli olub.

"Football-plus.az" xəbər verir ki, qarşılaşma Sloveniyadan olan hakimlər briqadasına tapşırılıb.

Görüşü FİFA referisi Rade Obrenoviç idarə edəcək. Ona Yure Praprotnik və Qreqa Kordej kömək göstərəcək. Dördüncü hakim funksiyasını Mateo Tozan yerinə yetirəcək. VAR hakimi Matey Yuq, VAR hakiminin köməkçisi Alen Borosak əyləşəcək.

Xatırladaq ki, "Qarabağ" - "Ayaks" matçı dekabrın 10-da Tofiq Bəhramov adına Respublika stadionunda, saat 21.45-də start götürəcək.