"Karvan-Yevlax" Bizon ölkə kubokunun 1/8 final mərhələsi matçında "Qarabağ"a uduzdu - 0:3.

"Football-plus.az" xəbər verir ki, Yevlax təmsilçisinin məşqçisi Füzuli Məmmədov oyunsonrası mətbuat konfransında jurnalistlərin suallarını cavabladı.

- Gərgin oyun oldu. "Qarabağ"a qarşı oynamaq həmişə çətindi. Futbolçularım bu gün çox əzmkarlıq, fədakarlıq göstərdi. Hamısına təşəkkür edirəm. Uduzduq. "Qarabağ"a qalib gəlmək çətindi. Kubokda mübarizəni dayandırdıq, bundan sonra çempionata köklənəcəyik. Bütün oyunlarda meydana maksimum nəticə üçün çıxacağıq.

- Niyə çempionat oyunundakı ssenari təkrarlandı?
- Hər oyundan qabaq və sonra həm rəqibi, həm də özümüzü təhlil edirik. Səbəb aydındı. Futbolçularımız fiziki cəhətdən tam hazır deyillər. Məşqlərdə çox əzmkarlıq göstərirlər. 80-ci dəqiqədən sonra bir az yorğunluq hiss edilir. Onda da səhvlər yaranır. "Qarabağ"ın futbolçuları da kiçik səhvlər edir.

- Sizin gəlişinizdən sonra müdafiədə intizam hiss olunur. "Qarabağ"la oyunlar sizə ümid verir?
- "Qarbağ"a qarşı hücum futbolu oynamaq çətindi. Məcbur edirlər ki, müdafiə olunasan. Oyunçularım əzmkarlıq göstərdi. Oyun intizamını sona qədər qorumağa çalışdı. Hər matçda müdafiə olunmayacağıq. Epizodumuz da var idi. "Qarabağ"a qarşı şansın varsa, dəyərləndirməlisən.

- Büdcə imkan verir ki, qışda heyəti gücləndirəsiz?
- Mütləq güclənməliyik. Qarşıda 3 oyun var. Bütün diqqətimiz həmin oyunlardadı. İmkandan yararlanmağa çalışacağıq.