“Barselona” yay “transfer pəncərəsi” üçün prioritetlərini müəyyənləşdirib.

"Football-plus.az" xəbər verir ki, baş məşqçi Hans-Diter Flik, idman direktoru Deku Souza və klubun idman komitəsinin digər üzvləri komandanın gücləndirməli olduğu əsas mövqeləri seçiblər. Rəhbərlik mərkəz müdafiəçisi, cinah müdafiəçisi və mərkəz hücumçusu transferini prioritet sayır.

Müdafiəçi transferi “Barselona”nın “maliyyə feyr-pleyi” qaydalarına əməl etməsi halında, hətta 2026-cı ilin qışında da baş tuta bilər. Klub bir neçə oyunçunu yaxınan izləyir: “Barselona” “Sportinq”dən Qonsalu İnasiu, “Nottingem Forest”dən Murillo, Dortmund “Borussiya”sından Niko Şlotterbek, “Palmeyras”dan Luis Benedetti və “Kristal Pelas”dan Mark Qehini nəzərdən keçirir.

Mərkəz hücumçu mövqeyi də əsas hədəflərdən biridi. Buna səbəb Robert Levandovskinin müqaviləsinin müddətinin 2026-cı ilin yayında başa çatacağıdı. Klubun müşahidə siyahısında “Atletiko”dan Xulian Alvares, “Bavariya”dan Harri Keyn və “Mançester Siti”dən Erlinq Holann var.

Bununla yanaşı, klub cinahları da gücləndirməyi planlaşdırır. Rafinyanın Səudiyyə Ərəbistanına keçmək ehtimalı səbəbindən klub vinger axtarışını genişləndirib. Namizədlər arasında “Mançester Yunayted”in hücumçusu Markus Raşford da var. Onun üçün təxminən 30 milyon avro ödəniş tələb oluna bilər. “Barselona” həmçinin “Milan”ın ulduzu Rafael Leao ilə də maraqlanır.