Noyabrın 27-də Avropa Liqasının (AL) əsas mərhələsində 5-ci turun oyunları keçirildi.

"Football-plus.az" xəbər verir ki cümə axşamı növbəti 18 oyunun həyəcanı yaşandı.

AL-in yeni mövsümünün ilk 4 turunda maksimum nəticə göstərən və vahid liderliyə nail olan “Midtüllann”ı dayandıran tapıldı. Liqa mərhələsində ardıcıl 4 qələbə qazanan Danimarka klubu İtaliya paytaxtında büdrədi. Yerli “Roma” ilk 4 oyunda hesabına 6 xal yaza bilmişdi. Hazırda A seriyasında lider olan Can Pyero Qasperininin komandasının “Midtüllann”ı evə əliboş yola salması bu mərhələni mümkün qədər yüksək pillələrdə başa vurmaq şansı baxımından vacib sayılırdı.

“Canavarlar” matça Əl-Aynauinin müəllifi olduğu erkən qolla başlamaqla planlarını bir qədər yüngülləşdirdilər. Ümumiyyətlə, romalılar ilk hissədə oyuna nəzarət etsələr də, fərqi artıra bilmədilər. Fasilədən sonra da təşəbbüs böyük ölçüdə meydan sahiblərində oldu və Əl-Şaaravi 83-cü dəqiqədə fərqi artırdı. Az sonra qonaq komanda təsəlli qolunu vurdu və 1:2 hesabıyla uduzan “Midtüllann” liderdən şərikli liderə çevrilməklə 2-ci pilləyə düşdü.

Tura hərəyə 10 xal toplamaqla 2-3-cü yerləri bölüşməklə başlayan hər iki komanda büdrədi. “Frayburq” Çexiyada “Viktoriya” ilə qolsuz, “Ferentsvaroş” isə Türkiyədə “Fənərbaxça” ilə 1:1 hesablı heç-heçəyə razılaşdı. Nəticədə turnir cədvəlində üçhakimiyyətlilik yarandı. “Makkabi”nin (Təl-Əviv) qapısından 6 cavabsız top keçirən “Lion” topların daha yaxşı fərqinə əsasən 1-ci yerə yüksəldi. “Yanq Boyz”u 2:1 hesabıyla məğlub edən “Aston Villa” da xalını 12-yə çatdırdı. İngiltərə təmsilçisi şərikli liderlərin sırasında 3-cü yeri tutur.

5-ci turda qeydə alınan bir sıra maraqlı faktları da nəzərinizə çatdıraq. “Lill” evdə Zaqreb “Dinamo”sunu 4:0 hesabıyla məğlub etdi. Yarımmüdafiəçi Mukau Fransa klubunun AL-dəki 200-cü qolunun müəllifi oldu. “Şimallı itlər”in təcrübəli hücumçusu Jiru isə AL-də 100-cü oyununu keçirdi.

“Feyenoord” – “Seltik” matçının nəticəsi maraqlı alındı. 1:3 hesabıyla uduzan Niderland klubu bütün turnirləri nəzərə almaqla son 10 ildə ilk dəfə ardıcıl 4-cü dəfə məğlub oldu. Nəhayət, “Seltik” avrokuboklarda rəqib meydanlarında 15 oyunluq qələbəsiz (5 heç-heçə, 10 məğlubiyyət) seriyaya son qoydu.

Şotlandiyanın digər nəhəngi “Reyncers” də uğursuz gedişi dayandırdı. İlk 4 oyunda uduzan qlazqolular evdə “Braqa”dan bir xal (1:1) almaqla cədvəlin sonuncu pilləsindən qurtuldular. Ona görə ki, “Portu” öz meydanında “Nitsa”nı 3:0 hesabıyla üstələdi. Hələ də xalı olmayan “Nitsa” turnir cədvəlində sonuncu - 36-cı yerə düşdü. Qeyd edək ki, komandanı çalışdıran Frank Hayz AL-dəki 15 sınağında bir dəfə də qələbə qazana bilməyib. “Nitsa” ilə yalnız 4 oyunda uduzmayan 54 yaşlı fransalı mütəxəssis belə uğursuz seriya ilə turnirdəki antirekordunu yenilədi.

5-ci turun bir oyununda qol qeydə alınmadığını yuxarıda qeyd etdik: “Viktoriya” (Plzen) – “Frayburq” matçı başladığı hesabla bitdi. Xatırladaq ki, bu mövsüm liqa mərhələsində 6 matçda qapılara qol vurulmayıb.

liqa mərhələsi, 5-ci tur
Roma (İtaliya) - Midtüllann (Danimarka) 2:1
Əl-Aynaui, 7. Əl-Şaaravi, 83 – Paulinyo, 86.
Roma: Svilar, Qilardi, Mançini, Ndika, Çelik (Simikas, 78), Əl-Aynaui, Kone (Kristante, 27), Uesli Fransa, Sule (E.Ferqyuson, 61), Pelleqrini (Əl-Şaaravi, 61), Dibala (Beyli, 78).
Midtüllann: E.Olafsson, Mbabu, Diao, Erliç, Bek, Yensen (Paulinyo, 67), Kastilyo (Andreasen, 60), Bravo (Brumado, 60), Billinq, Cu (Şimşir, 75), Qorqoja (Osorio, 46).

Makkabi (Təl-Əviv, İsrail) - Lion (Fransa) 0:6
Abner Vinisius, 4. Tolisso, 25; 51; 54. Nyakate, 35-p. Karabets, 62.
Lion: Deşam, Meytlend-Nayls (Qonsalves, 69), Tessman, Nyakate, Talyafiko, De Karvalyo, Morton, Tolisso (Mera, 57), Şults (Karabets, 57), Satriano (Rodriges, 77), Abner Vinisius (Barişiç, 69).

Aston Villa (İngiltərə) - Yanq Boyz (İsveçrə) 2:1
Malen, 27; 42 Monteyro, 90.
Aston Villa: E.Martines, Lindelöf, Pau Torres (Konsa, 60), Maatsen, Sanço, Onana (Kamara, 79), Boqard, Tilemans (Uotkins, 60), Qessan, Malen (Barkli, 60), Rocers (Buendiya, 60).

Viktoriya (Plzen, Çexiya) - Frayburq (Almaniya) 0:0
Frayburq: Atubolu, Ginter, Linxart, Kübler, Günter (Troy, 83), Eqqeştayn (Höfler, 89), Österhaqe, Beste, Sudzuki (Manzambi, 69), Qrifo (Şerhant, 61), Adamu (Matanoviç, 46).

Betis (İspaniya) - Utrext (Niderland) 2:1
Ernandes, 42. Ezzalzuli, 50 - Rodriges, 55.
Betis: Valyes, Ortis, Lyorente, Natan, Rodriges, Altimira, İsko (Deossa, 10), Amrabat (Fornals, 15), Antoni, Ernandes (Avila, 82), Ezzalzuli (Pablo Qarsiya, 82).

Ludoqorets (Bolqarıstan) - Selta (İspaniya) 3:2
Staniç, 11-p.; 49; 63-p. - P.Duran, 70. Əl-Abdellaui, 90+6.
Selta: Vilyar, Fernandes, Laqo (Starfelt, 67), Ristiç, Minqesa, D.Rodriges (Roman, 46), Moriba, Kadilya (Saraqosa, 58), Cutqla (P.Duran, 46), İqlesias (Aspas, 58), Əl-Abdellaui.

Lill (Fransa) - Dinamo (Xorvatiya) 4:0
Korreya, 31. Mukau, 36. İqman, 69. Andre, 86.
Lill: Özər, Pyerro (Tyaqo Santuş, 78), Menye, Nqoy, Mandi, Korreya (Saxraui, 71), Andre, Bentaleb (Mbappe, 70), Mukau, Haraldsson (Fernandes-Pardo, 80), İqman (Jiru, 70).
Qou Ehed İqls (Niderland) - Ştutqart (Almaniya) 0:4
Levelinq, 20; 35. Əl-Hannus, 59. Buanani, 90+3.
Ştutqart: Nübel, Yeltş, Şabo, R.Hendriks (Jak, 68), Mittelştadt, Karazor, Ştiller (Hartey, 79), Assinyon, Əl-Hannus (Fürix, 68), Levelinq (Yovanoviç, 88), Undav (Buanani, 79).

Nottingem Forest (İngiltərə) - Malmö (İsveç) 3:0
Yeyts, 27. Kalimuendo, 44. Milenkoviç, 59.
Nottingem Forest: Viktor, Murillo, Morato, Milenkoviç (N.Uilyams, 74), Ebbott, Yeyts, Dominges (Ndoy, 66), İ.Sanqare (Anderson, 66), Makeyti (Sinkler, 84), Kalimuendo (İqor Jezus, 66), Hadson-Odoi.

Bolonya (İtaliya) - Zaltsburq (Avstriya) 4:1
Odqor, 26. Dallinqa, 51. Bernardeski, 53. Orsolini, 86 - Vertessen, 33.
Bolonya: Ravalya, Zortea, Heggem (Vitik, 69), Lukumi, Miranda, Pobeqa (Moro, 75), L.Ferqyuson, Orsolini, Odqor (Fabbian, 69), Bernardeski (Dominges, 69), Dallinqa (Kastro (81).

Portu (Portuqaliya) - Nitsa (Fransa) 3:0
Veyqa, 1; 33. Omorodion, 61-p.

PAOK (Yunanıstan) - Brann (Norveç) 1:1
İvanuşets, 63 - Kornviq, 89.

Fənərbaxça (Türkiyə) - Ferentsvaroş (Macarıstan) 1:1
Talişka, 69 - Varqa, 66.

Feyenoord (Niderland) - Seltik (Şotlandiya) 1:3
Ueda, 11 – Yan Hen Çjun, 31. Hatate, 43. Nüqren, 82.

Srvena Zvezda (Serbiya) - FKSB (Rumıniya) 1:0
Bruno Duarte, 50.

Genk (Belçika) - Bazel (İsveçrə) 2:1
O Hyon Qyu, 14. Karetsas, 45+2 – Otele, 57.

Panatinaikos (Yunanıstan) - Şturm (Avstriya) 2:1
Sviderski, 18. Kalabriya, 74 – Kiteişvili, 34.

Reyncers (Şotlandiya) - Braqa (Portuqaliya) 1:1
Tavernye, 45+3-p. – Martines, 69.

1. Lion 5 4 0 1 11-2 12
2. Midtüllann 5 4 0 1 12-5 12
3. Aston Villa 5 4 0 1 8-3 12
4. Frayburq 5 3 2 0 8-3 11
5. Betis 5 3 2 0 8-3 11
6. Ferentsvaroş 5 3 2 0 9-5 11
7. Braqa 5 3 1 1 9-5 10
8. Portu 5 3 1 1 7-4 10
9. Genk 5 3 1 1 7-5 10
10. Selta 5 3 0 2 11-7 9
11. Lill 5 3 0 2 10-6 9
12. Ştutqart 5 3 0 2 8-4 9
13. Viktoriya P 5 2 3 0 6-2 9
14. Panatinaikos 5 3 0 2 9-7 9
15. Roma 5 3 0 2 7-5 9
16. Nottingem Forest 5 2 2 1 9-5 8
17. PAOK 5 2 2 1 10-7 8
18. Bolonya 5 2 2 1 7-4 8
19. Brann 5 2 2 1 6-3 8
20. Fənərbaxça 5 2 2 1 5-5 8
21. Seltik 5 2 1 2 7-8 7
22. Srvena Zvezda 5 2 1 2 4-5 7
23. Dinamo 5 2 1 2 7-10 7
24. Bazel 5 2 0 3 7-7 6
25. Ludoqorets 5 2 0 3 8-11 6
26. Yanq Boyz 5 2 0 3 7-12 6
27. Qou Ehed İqls 5 2 0 3 4-9 6
28. Şturm 5 1 1 3 4-7 4
29. Zaltsburq 5 1 0 4 5-10 3
30. Feyenoord 5 1 0 4 4-9 3
31. FKSB 5 1 0 4 3-8 3
32. Utrext 5 0 1 4 2-7 1
33. Reyncers 5 0 1 4 2-9 1
34. Malmö 5 0 1 4 2-10 1
35. Makkabi T-Ə 5 0 1 4 1-14 1
36. Nitsa 5 0 0 5 4-12 0

Bombardirlər: Staniç (Ludoqorets) – 5, İqman (Lill), Sviderski (Panatinaikos), Tolisso (Lion) – 4.

Növbəti turun oyunları dekabrın 11-də keçiriləcək: Yanq Boyz – Lill, Midtüllann – Genk, Utrext – Nottingem Forest, Ferentsvaroş – Reyncers, Dinamo – Betis, Nitsa – Braqa, Ludoqorets – PAOK, Şturm – Srvena Zvezda, Ştutqart - Makkabi T-Ə, Seltik – Roma, Portu – Malmö, Bazel – Aston Villa, FKSB – Feyenoord, Lion – Qou Ehed İqls, Panatinaikos - Viktoriya P, Selta – Bolonya, Frayburq – Zaltsburq, Brann - Fənərbaxça.