Avroliqada müntəzəm çempionatın 12-ci turunun oyunları keçirilib.

"Football-plus.az" xəbər verir ki, ötən tur qələbə qazanan Türkiyə klublarından biri bu dəfə evdə, o biri səfərdə oynayıb. “Barselona”nı qəbul edən “Efes” çətin qələbə qazanıb. “Partizan”ın qonağı olan “Fənərbaxça” da ardıcıl 4-cü qələbəyə sevinib.

Yeri gəlmişkən, serb azarkeşlərin oyundan əvvəl açdığı xoreoqrafiyada Miloş Obiliçin Sultan I Muradı öldürməsi təsvir olunmuşdu. Tarixi mənbələrdə tam təsdiqini tapmayan bu hadisə 1389-cu ildə Kosovo döyüşündə baş verib. Döyüş isə Osmanlının qələbəsi ilə başa çatıb. Hesabdan göründüyü kimi, parket üzərindən də Osmanlı imperiyasının varisləri qalib ayrıldı.

ASVEL (Fransa) – Monako (Fransa) 52:84 (11:14, 10:20, 19:30, 12:20)
Efes (Türkiyə) – Barselona (İspaniya) 74:73 (18:19, 17:27, 23:9, 16:18)
Panatinaikos (Yunanıstan) – Dubay (BƏƏ) 103:82 (25:24, 20:24, 30:14, 28:20)
Milan (İtaliya) – Hapoel T-Ə (İsrail) 83:105 (25:25, 20:24, 19:27, 19:29)
Real (İspaniya) – Jalgiris (Litva) 100:99 (22:16, 21:21, 19:25, 38:37)
Olimpiakos (Yunanıstan) – Paris (Fransa) 98:86 (21:29, 37:20, 17:20, 23:17)
Baskoniya (İspaniya) – Bavariya (Almaniya) 95:73 (14:26, 28:15, 25:18, 28:14)
Virtus B (İtaliya) – Makkabi T-Ə (İsrail) 99:89 (26:24, 30:21, 24:21, 19:23)
Partizan (Serbiya) – Fənərbaxça (Türkiyə) 87:99 (11:24, 28:32, 29:19, 19:24)
Valensiya (İspaniya) – Srvena Zvezda (Serbiya) 76:73 (26:26, 23:13, 11:21, 16:13)

Xal durumu: Hapoel T-Ə – 21, Olimpiakos, Srvena Zvezda, Panatinaikos – 20, Jalgiris, Monako, Fənərbaxça, Valensiya, Barselona – 19, Real, Milan, Virtus B – 18, Paris, Dubay, Efes, Bavariya – 17, Baskoniya, Partizan – 16, Makkabi T-Ə, ASVEL – 15.