''Qalatasaray'' bu mövsüm Çempionlar Liqasının əsas mərhələsində 5 tura 9 xal toplayıb.

"Football-plus.az" xəbər verir ki, İstanbul nəhəngi Frankfurt ''Ayntraxt''ı (1:5) və ''Yunion''a (0:1) məğlub olubsa, ''Liverpul'' (1:0), ''Bude/Qlimt'' (3:1) və ''Ayaks'' (3:0) üzərində qələbə qazanıb.

Bu arada statistika və analizlərdən yararlanaraq ehtimallar irəli sürən ''Football Meets Data'' platforması 10000 ehtimalı hesablayaraq liqa mərhələsinin yekununa dair təxmin irəli sürüb.

Platformanın versiyasına görə hazırda 14-cü pillədə qərarlaşan ''Qalatasaray'' liqa mərhələsini 17-ci pillədə tamamlayacaq! Platforma tərəfindən ''Cim-Bom''un ''8-liy''ə düşmə ehtimalı 4 faiz, ''24-lüy''ə düşmək ehtimalı isə 93 faiz civarında qiymətləndirilib.

Bu sıralamaya inansaq, Türkiyə çempionu pley-offda ya ''Nyukasl'', ya da ''Tottenhem'' ilə qarşılaşacaq.

Maraq üçün bildirək ki, ''Qalatasaray'' qalan 3 turda növbə ilə səfərdə ''Monako'', evdə ''Atletiko'' və səfərdə ''Mançester Siti'' ilə qarşılaşacaq.