Bu gün futbol üzrə ölkə çempionatının 2-ci liqasında 10-cu turun son iki oyunu keçirilib.

“Şəki”ni qəbul edən “Dinamo” acı məğlubiyyətlə üzləşib – 0:5. İllərin təcrübəsi Cavid İmamverdiyev bu oyunda dubl etməklə bombardirlər yarışındakı mövqeyini möhkəmlədib. Saatlıda “Kür-Araz”la qarşılaşan “Xankəndi” də rəqibini darmadağın edib – 7:2. Bəhruz Teymurov het-trik, Tural Qurbatovla Sərxan Ağayev dubl edib.

25 noyabr
Dinamo – Şəki 0:5
Cavid İmamverdiyev, 29; 45+1. Nihat Fərəci, 30. Təmran Əmircanov, 41. Nurlan Novruzov, 66.

Kür-Araz – Xankəndi 2:7
Elxan Məmmədov, 54-p. Bayram Əliyev, 63 – Tural Qurbatov, 11; 43. Bəhruz Teymurov, 43; 64; 65. Sərxan Ağayev, 47; 48.

Turun noyabrın 23-24-də keçirilən oyunları belə nəticələnib: Quba – Ağstafa Gəncləri 4:2, Araz Saatlı – Ağdaş 3:1, Göygöl – Şəmkir 1:2, Şirvan – Qaradağ Lökbatan 0:5.

Xal durumu: Xankəndi, Qaradağ Lökbatan – 27, Quba – 23, Şəki – 22, Şəmkir – 18, Şirvan – 16, Dinamo – 10, Kür-Araz, Göygöl – 7, Ağdaş – 6, Ağstafa Gəncləri – 5, Araz Saatlı – 4.

Bombardir: Cavid İmamverdiyev (Şəki) – 14.