UEFA-nın rəsmi saytı “Napoli” – “Qarabağ” oyunu ərəfəsində maraqlı statistikalar açıqlamaqdadı.

Rəqəmlərdən çıxan həqiqət budu ki, rəqibi gözümüzdə şişirtməyək, böyütməyək! Hər iki komandanın heyətində zəngin avrokuboik təcrübəsinə malik futbolçular var.

“Napoli”də bunlar Kevin de Bruyne ilə Rasmus Heylunndu. Bu gün meydana çıxmayacaq belçikalı yarımmüdafiəçi indiyə qədər Çempionlar Liqası, Avropa Liqası və Konfrans Liqası çərçivəsindən keçirdiyi 101 oyunda 22 qol vurub. Danimarkalı hücumçu isə indiyə qədər avrokuboklarda 37 oyuna çıxıb, 19 dəfə fərqlənib.

İndi də “Qarabağ”ın ulduzlarının göstəricilərinə baxaq. Abdulla Zubir – 108 oyun, 16 qol, Leandro Andrade – 51 oyun, 13 qol. Möhtəşəmdi, eləmi?

Sadəcə, bu gün rəqibdən qorxmamalıyıq. Qorxsaq, nəinki uduza, hətta darmadağın ola bilərik. Yaxşı olacaq!

ORXAN