“Turan Tovuz”un Portuqaliyadakı xəstəxanalardan birində reabilitasiya prosesi keçən futbolçusu Denis Marandiçi Azərbaycana qayıdıb. Bu barədə “Football-plus.az”a “bozqurd”un mətbuat xidmətinin rəhbəri Süleyman Tağıyev məlumat verib.

Klub rəsmisinin sözlərinə görə, müdafiəçi 2025-ci ilin sonuna qədər fərdi məşq edəcək. Onun komandaya qış fasiləsindən sonra keçiriləcək təlim-məşq toplanışı zamanı qatılması planlaşdırılır.

Xatırladaq ki, Moldova millisinin də üzvü olan oyunçu ötən il dekabrın 3-də ölkə kubokunun 1/8 final mərhələsinin “Sabah”a qarşı matçında rəqibin futbolçusu Pavol Şafrankoyla mübarizə zamanı zədələnmiş, ayağında fibula sümüyünün tam yerini dəyişmiş sınığı və tibia sümüyünün yerini dəyişməmiş sınığı aşkarlandığından əməliyyat olunmuşdu.

KƏNAN BAHADIR