“Kəpəz”lə müqavilənin müddəti yoxdu. Anlaşma hər an ləğv oluna bilər. İlkin razılıq komandanın Gəncə şəhər stadionuna qayıdacağı vaxta qədər nəzərdə tutulub. Bu tarix də hələ bəlli deyil. Vurğuladığınız məqama gəlincə, biz belə detallara prinsipial yanaşmırıq. Yevlaxlı futbolsevərlər uzun müddətdi premyer-liqa həyəcanından uzaqdı. Nəhayət, dünən həsrətimiz sona çatdı. Düzdü, uduzduq və bunda hakim qərəzinin də rolu oldu. Ancaq yenə də azarkeşlərimiz adına sevinirik. Premyer-liqa Yevlaxa qayıtdı. İndi “Kəpəz” sayəsində Yevlax şəhər stadionunda hər həftə oyun olacaq. Futbolsevərlər də stadiona gələcək, çempionatımızdakı böyük komandaları görəcək. “Kəpəz”lə razılığa gələrkən məhz bu məqamı əsas götürdük. Əsas məsələ yevlaxlı futbolsevərlərin premyer-liqa matçlarını doğma stadionda izləyə bilməsidi”.