“Bavariya”nın qapıçısı Sven Ulrayx mövsümün sonunda peşəkar karyerasını başa vuracaq.

"Football-plus.az" xəbər verir ki, futbolçunun Münhen klubuyla müqaviləsinin müddəti 2026-cı ilin yayına qədər nəzərdə tutulub. Tərəflər qarşılıqlı razılaşma əsasında müqaviləni yeniləməmək qərarını veriblər. Təcrübəli qapıçının karyerasını başa vurduqdan sonra klubda fərqli vəzifədə çalışacağı bildirilir.

Karyerası ərzində “Ştutqart” və “Hamburq”da da çıxış edən Ulrayx “Bavariya” ilə 8 dəfə Almaniya çempionluğunu, 3 dəfə ölkə kubokunu, 6 dəfə Almaniya superkubokunu qazanıb. Bundan əlavə, klubla Çempionlar Liqası və UEFA Superkubokunun da qalibi olub.