"Hər şey qaydasındadı. Matça çox ciddi hazırlaşırıq. Təəssüf ki, üç futbolçumuz zədəlidi. Lakin onların yerinə meydana buraxağımız oyunçuların komanda yoldaşları üçün əlindən gələni əsirgəməyəcəyinə əminik. Təbii ki, məqsəd qələbə qazanmaqdı. Dərk edirik ki, söhbət 6 xallıq oyundan gedir. Həmçinin evdə keçirəcəyimiz ilk ev qarşılaşmasında azarkeşlərimizi sevindirmək istəyirik. Azarkeş demişkən, tribunalarda anşlaq olacağına inanırıq. Yevlaxlı futbolsevərlər bizi 1-ci liqada da tək qoymamışdı. Hətta premyer-liqa oyununda daha çox tamaşaçının stadiona təşrif buyuracağına şübhə etmirik. Oyundan əvvəl azarkeşlər üçün konsert proqramı təşkil olunacaq. Ümumiyyətlə, Yevlax şəhər İcra Hakimiyyəti oyunun və tədbirlərin təşkiliylə bağlı bütün məsələlərdə yanımızdadı. Hər bir əməkdaşa təşəkkür edirik".