Noyabrın 28-30-u aralığında Əbu-Dabidə (BƏƏ) keçiriləcək cüdo üzrə “Böyük dəbilqə” turnirində Azərbaycan təmsilçiləri də iştirak edəcək.

Yığmanın heyətinə 12 cüdoçu daxildi: Əhməd Yusifov, Balabəy Ağayev (hər ikisi 60 kq), Ruslan Paşayev, Rəşad Yelkiyev (hər ikisi 66 kq), Hidayət Heydərov, Rəşid Məmmədəliyev (hər ikisi 73 kq), Zəlim Skayev (81 kq), Murad Fətiyev, Elcan Hacıyev (hər ikisi 90 kq), Zəlim Kotsoyev (100 kq), Uşanqi Kokauri, Camal Həmzətxanov (hər ikisi +100 kq).

Onu da xatırladaq ki, turnirin qalibləri 1000, gümüş medalçılar 700, bürünc medalçılar isə 500 reytinq xalı qazanacaq.