Braziliya yığmasının sabiq yarımmüdafiəçisi, hazırda “San Paulu”nun formasını geyən Oskar xəstəxanaya yerləşdirilib.

"Football-plus.az" xəbər verir ki, 34 yaşlı futbolçu ürəyində yaranan problem səbəbindən San Pauludakı klinikalardan birinə aparılıb. Hadisə çərşənbə axşamı səhər saatlarında baş verib. Oskar “San Paulu”nun məşq meydançasında stasionar velosipedlə interval testi zamanı yıxılıb. O, təxminən iki dəqiqə huşsuz vəziyyətdə qalıb.

Oskar 2024-cü ilin dekabrında azad agent kimi “San Paulu”ya qayıdıb. Yerli mənbələrə görə, transferdən əvvəl tibbi müayinə zamanı futbolçunun ürəyində problem aşkarlanıb. Buna baxmayaraq, “San Paulu” keçmiş futbolçusu ilə müqavilə bağlayıb.