Sentyabrın 24-də Braziliya klub futbolunda mövsümün ilk qalibi müəyyənləşdi.

"Football-plus.az" xəbər verir ki, bazar günü ölkə kubokunun həlledici final oyunu keçirildi. Rio de Janeyrodakı ilk oyunda minimal hesabla qalib gələn “San Paulu” tarixi uğura çox yaxınlaşmışdı. Dorival Juniorun çalışdırdığı komanda evdə “Flamenqo” ilə 1:1 hesablı heç-heçəyə razılaşdı. İki oyunun ümumi nəticəsinə əsasən üstünlük qazanan “San Paulu” tarixində ilk dəfə ölkə kubokunu muzeyinə apardı! Xatırladaq ki, bu komanda indiyədək finala yalnız bir dəfə çıxmış və 2000-ci idə “Kruzeyro”ya uduzmuşdu (0:0, 1:2).

final, ilk oyun
Flamenqo – San Paulu 0:1
Kalyeri, 45+1.
cavab oyunu
San Paulu – Flamenqo 1:1
Rodriqo Nestor, 45+5 – Bruno Enrike, 44.