“Maraqlı dövrə izlədik. Komandaları üç qrupa bölmək olar: ilk “altılıq”, o “altılığ”a düşmək uğrunda mübarizə aparan komandalar və çempionatda qalmaq üçün oynayanlar. Çempionatda qalmaq üçün “Karvan-Yevlax”, “Qəbələ” və “Kəpəz” mübarizə aparacaq. Məncə, bu il də “Qarabağ” çempionluğa əsas namizəddi. Qalan üç-dörd avrokubok yerləri uğrunda da gərgin mübarizə gedir. Mübarizə turnir cədvəlində də əksini tapır. Çox sıxlıqdı. Demək olar ki, hər turdan sonra turnir cədvəlində dəyişiklik olur. Düzdü, “Neftçi” bu “altılıq”dan geri qalır. Amma iki qələbə qazanmaqla bu zonaya düşə bilər. Keyfiyyətə gəlincə, deyərdim ki, keyfiyyət artıb. Avrokuboklar uğrunda mübarizə aparan komandalar iki-üç yerli futbolçuya güvənir. Qalan komandalar da daha çox legionerlərə güvənir. Legionerlərin keyfiyyəti? Yaxşıları da var. Ad çəkmək istəmirəm, amma layiq olmayanlar da var. Yaxşı olardı ki, az legionerlər olaydı. Əvəzində yerli futbolçuya şans verərdilər. Bir çox komandanın əskikləri var. Düşünürəm ki, fasilədə bu əskikləri aradan qaldırmağa çalışacaqlar. Ümumi götürsək, hələ ki çempionat pis getmir. Dinamika ötən mövsümə baxanda daha yaxşıdı. İlk dövrə üçün “İmişli” özünü yaxşı tərəfdən göstərib. Amma komandanın ehtiyat qüvvəsi də vacibdi. Belə komandaların gücü növbəti dövrələrdə görünəcək. Hansı komandanın heyəti daha genişdisə, üstünlük də onda olur. Liderlər qrupunda “Neftçi”nin olmaması bir az üzücüdü. Amma qarşıda üç dövrə var. Yaxşıya doğru istiqamət ala bilərlər”.