“Aston Villa”nın müdafiəçisi Tayron Minqs “Liverpul”la oyunda zədələnib.

"Football-plus.az" xəbər verir ki, ingilis futbolçu bir müddət əvvəl topuq zədəsindən sağalmışdı. O, ötən həftə “Liverpul”la oyunun son dəqiqələrində sürətlə geriyə qaçaraq Məhəmməd Salahı qarşılayarkən sağ ayağının arxa hissəsini tutub və oyunu davam etdirə bilməyib. Baş məşqçi Unay Emeri futbolçunun budun arxa əzələsindən zədə aldığını və ilkin olaraq təxminən 4 həftə meydanlardan kənarda qalacağını bildirib.

“The Athletic”in məlumatına görə, aparılan müayinələr nəticəsində zədənin daha ciddi olduğu təsdiqlənib. Beləliklə, Minqsin təxminən 7 həftə meydana çıxa bilməyəcəyi məlum olub. Bu isə o deməkdi ki, müdafiəçi praktiki olaraq 2026-cı ilə qədər komandanın heyətində görünməyəcək.