Çempionlar Liqasının 4-cü turunun “Qarabağ” – “Çelsi” matçı üçün biletlərin bu gün saat 15.00-da satışa çıxarılacağını yazmışdıq.

“Football-plus.az” xatırladır ki, standart biletlərin qiyməti 10, 15, 25, 35, 40, 50, 75, VIP sektorlar üçün 200, 250, 300 və 400, VVIP sektorlar üçün isə 1000 manatdı. Hələ bilet ala bilməyən azarkeşləri üzəcək xəbər isə artıq 10, 15, 25, 35 və 40 manata satılan biletlərin qısa müddətdə tükənməsidi. Bu o deməkdi ki, onlar “köhlən atlar”ın İngiltərə klubuna qarşı oyununu izləmək üçün azı 50 manat ödəməli olacaqlar. Təbii ki, bir qədər də gecikməsələr...

Noyabrın 5-də “Tofiq Bəhramov”da keçiriləcək oyun saat 21.45-də başlayacaq.

KƏNAN BAHADIR