Biz necə “Qarabağ”ın hər addımını izləyiriksə, İspaniya mediası, konkret “Marca”nın “Atletik” üzrə ixtisaslaşan əməkdaşı Xuanma Velasko da bu komanda ilə bağlı xəbərləri “yağdırır”.

Onun yazdıqlarından belə məlum olur ki, komanda Elçedən qayıdan kimi “Qarabağ”la oyunun hazırlığına başlayıb. Dünənki məşqdə “şirlər” iki qrupa bölünüb. Qruplardan biri məşq bazasından kənara çıxmayıb. Əsas komandanın qapıçılarından Mikel Santos zədələndiyinə görə əvəzedicilərdən Qamen məşqə cəlb olunub.

“Elçe” ilə oyuna əsas heyətdə çıxanlar məşq bazasında bərpa məşqinə çıxı.b 2-ci hissədə Robert Navarronun əvəzinə oyuna qoşulan Niko Uilyams da bu qrupda olub. Uilyams qardaşlarından kiçiyi qasıqla bağlı problemdən qaçmaq üçün fərqli temp əsasında hazırlaşır.

Navarro isə kənarda məşq edən qrupun heyətində olub. Valverde onun daha fəal olmasını istəyir. Ona görə ki, Navarro həm cinahlarda, həm də mərkəzdə oynaya bilir. Valverde yüngül zədədən əziyyət çəkən Berengerlə Lyaportun da xidmətindən “Qarabağ”la oyunda yararlanmaq fikrindədi.

Ümumiyyətlə, Valverde bu oyuna dönüş imkanı kimi baxdığını gizlətmir. Baş məşqçi sabah La Liqada “Elçe”yə qarşı oynayan heyətlə müqayisədə köklü dəyişikliklər edəcək. Xüsusən də müdafiənin cinahları ilə bağlı dəyişiklik olacaq. Ümumiyyətlə, “Qarabağ” önünə daha hücumameyilli heyət çıxacaq.

ORXAN