“Neftçi” “doğma divarlar” arasında “Araz-Naxçıvan”a da qalib gələ bilmədi - 2:2.

“Football-plus.az” xəbər verir ki, oyunsonrası mətbuat konftansında Samir Abasov media önünə çıxıb.

- Bir xal qazandız, yoxsa iki xal itirdiz?
- Çox çətindi e demək. Bir az özümüzə də anlaşılmaz olan məqam oldu. Hesabda önə keçdik. Amma qoldan sonra müdafiəyə oturduq. Belə plan yox idi. Həddən artıq top itkisinə yol verdik. İkinci hissə başlayan kimi də qol buraxdıq. Sonra toparlandıq, qol vurduq. Bir dirək epizodumuz da var idi. Qərarlarımızda problem göründü. Bu həftə birgə məşq etməmişdik. Bəlkə bu da səbəb oldu. Amma əsla bəhanə deyil.

- Abubakarla görüşmüsüz?
- İnanıram ki, xeyrimizə olacaq. Amma danışmağa vaxtım olmayıb.

- Müdafiəyə göz dəydi sanki. Hər iki qolda səhv etdilər. Eyforiyaya qapılıblar?
- Müdafiə xətti diqqətli olmalıdı. Niyə eyforiyaya qapılsınlar?! Turnir cədvəlindəki yerimiz o deyil ki, müdafiəyə rahatlıq versin. Onlar elə diqqətli olmalıdılar ki, oyunları uduzmayaq. Səhvlər olur.

- Metyunun oyunun necə dəyərləndirirsiz?
- Metyu hücuma enerji qatdı. Oyuna çox yaxşı qoşuldu. Ortada ötürmələri, hərəkətliliyi xeyrimizə oldu.

- İdrissa Dumbiya haqda fikriniz necədi? Komandada yarımmüdafiəçi çoxdu sanki..
- Çoxluq haqda bir söz deyə bilmərəm. Metyu da, İdrissa da alınsa, çox deyil. Lazım olan qədərdi. Dumbiya məsələsində müzakirələr gedir. Yaxın günlərdə necə olacağını biləcəyik.

- Hesab 2:2 olarkən gənc Murad Məmmədovla Ağadadaş Salyanskini meydana buraxdız. Bu risk deyildi?
- Bizə hücumda daha effektli olsun deyə, həmin oyunçuları meydana buraxdıq. Murad kreativdi. Həmin cinahlarda daha da gümrah oyunçu olmasını istədik.

- Hondanı transfer edəndə çempion olduz, indi daha bir ulduz gəldi. Dejavü yaşana bilər? Oyunu ilə olmasa da, psixoloji cəhətdən komandaya güc vermək üçün dəvət etmisiz?
- Belə düşünənlər də var. Mən əksini düşünürəm. Abubakar rəqiblər üçün motivasiya ola bilər. Bir var başqalarına qarşı oynamaq, bir də var Abubakara qarşı yaxşı oynamaq… Hücumda problemlərimiz var idi, qol vurmaq problemimiz var idi, onu çözmək baxımından gətirmişik.

MÜZƏFFƏR QULUZADƏ