Özü çoxlarının kumiridi, amma onun da kumiri var
“Real”ın fransalı hücumçusu Kilian Mbappe idealının, örnək götürdüyü oyunçunun adını açıqlayıb.
"Football-plus.az" xəbər verir ki, ulduz futbolçu bu barədə "Movistar"a verdiyi müsahibədə danışıb.
O, kumirinin portuqaliyalı ulduz Kriştiano Ronaldo olduğunu deyib:
"40 yaşlı hücumçu mənim üçün həmişə örnəkdi. Ronaldo həmişə mənim üçün nümunə və ideal olub. Onunla ünsiyyətim olduğuna görə şanslıyam, mənə məsləhət verir və kömək edir. Nömrə bir olan Kriştiano "Real" üçün etalondu. İnsanlar hələ də onu xatırlayır və onun haqqında danışır”.
Qeyd edək ki, Mbappe cari mövsümdə “Real”ın heyətində bütün turnirlərdə 10 matçda 14 qol vurub və 2 məhsuldar ötürmə verib. Fransalı hücumçu həmçinin Çempionlar Liqasında bombardirlər siyahısında 5 qolla ilk sıradadı. Xatırladaq ki, Kriştiano Ronaldo 2023-cü ilin yanvarından Səudiyyə Ərəbistanının “Əl-Nəssr” klubunda oynayır. Bundan əvvəl isə “Mançester Yunayted”, “Yuventus”, “Real” və “Sportinq”də çıxış edib.
Digər xəbərlər
