Adrien Silva futbolçu həyatı ilə bağlı vacib qərar verib.

"Football-plus.az" xəbər verir ki, Portuqaliya yığmasının sabiq oyunçusu karyerasını başa vurduğunu açıqlayıb. 36 yaşlı yarımmüdafiəçi bu barədə sosial şəbəkə hesabında məlumat yayıb. Silva vida paylaşımında bütün komanda yoldaşlarına, məşqçilərinə, azarkeşlərə təşəkkür edib.

Milli komanda ilə AÇ-2016-nın qalibi olan Adrien Avropada “Sportinq”, “Makkabi” (Hayfa), “Akademika”, “Lester”, “Monako”, “Sampdoriya” və “Riu Ave”də oynayıb. Onun sonuncu iş yeri Birləşmiş Ərəb Əmirliklarınin “Dubay Yunayted” klubu olub. Silvanın Portuqaliya yığmasında 26 oyuna 1 qol vurduğunu da xatırladaq.