MY-ni ərəblərə satırlar?
“Mançester Yunayted”i satmaq üçün klub rəhbərliyi yeni investorlarla danışıqlar aparır.
"Football-plus.az" xəbər verir ki, bu barədə Səudiyyə Ərəbistanı kralının müşaviri və nazir Turki Əl-Şeyx “X” sosial şəbəkə hesabında paylaşım edib.
44 yaşlı müşavir İngiltərə klubunun yeni sahibinin əvvəlkindən daha yaxşı olacağına inamını ifadə edib:
"Bu gün eşitdiyim ən yaxşı xəbər odu ki, “Mançester Yunayted” artıq yeni investorla razılaşmanı başa çatdırmaq üzrədi. Ümid edirəm, o, əvvəlkilərdən daha yaxşı olar”.
Amma dünən MY rəhbərliyi klubun mümkün satışına dair yayılan məlumatları təkzib edib. Klub rəhbərliyi yeni investorla danışıqlar aparıldığı barədə xəbərləri etibarsız adlandırıb.
Qeyd edək ki, “Mançester Yunayted”in hazırkı sahibləri – Qleyzer ailəsi azarkeşlər tərəfindən uzun illərdi klubun idarəçilik siyasətinə görə tənqid olunur.
Digər xəbərlər
