“İnter Mayami” heyətini daha da gücləndirməyi planlaşdırır.

"Football-plus.az" xəbər verir ki, ABŞ klubunun rəhbərliyi “Santos"un hücumçusu Neymarı transfer etməyi düşünür.

“Daily Mail”in məlumatına görə, tərəflər arasında danışıqlar hələ başlamayıb. Lakin 33 yaşlı forvardın menecerləri onun 2026-cı il ərzində ABŞ klubuna keçməsinin faydalı olduğunu bildiriblər.

“İnter Mayami” 38 yaşlı hücumçu Luis Suareslə müqavilənin müddətinin uzadılması üzərində də işləyir. Xatırladaq ki, Neymar, Messi və Suares 2014-17-ci illərdə “Barselona”da birlikdə oynayıblar.