Fransa DÇ-2026-nın seçmə mərhələsində evdə millimizə qalib gəldi - 3:0.

"Football-plus.az" xəbər verir ki, Fransa yığmasının baş məşqçisi Didye Deşam oyunsonrası mətbuat konfransında jurnalistlərin suallarını cavabladı.

- Birinci hissədə gördükləriniz sizi qane edir?
- İstədiyimiz nəticəni əldə etdik. Amma xeyr, qane etmədi. Komandada yorğunluq var idi. Topun hərəkətində vertikallıq az idi. İstədiklərimizi etməyə çalışdıqda çətinlik çəkirdik. Futbolçulara demişəm ki, intensiv oynamaq lazımdır. Bunu yetərincə etmədik. Rəqibi çətinliyə sala bilmədik. Çünki yorğunluq hiss edilirdi. Sevincdən göylərə qalxmayacam. Daha çox qol vura bilərdik.

- Tovanın qol vurması haqda nə deyərdiz?
- Bizim üçün də, onun üçün də yaxşıdır. Özü üçün geridönüşdür. Qol vurmaq keyfiyyəti var. Top ayağına gəldisə, qol vurmağa çalışacaq. Məmnunam ki, qol vura bildi.

- Kilian Mbappe ayağındakı problemindən nə xəbər var? Çünki lider rolunu oynayırdı...
- Ayaqlarını çox sürətlə hərəkət etdirir. Topa toxunan kimi, sürətlənir. Lider və kapitandır. Vəziyyəti yaxşıdır. Kapitan olaraq rolu budur ki, komandaya rəhbərlik etsin. Ayağında problem var. Zərbəni də təəssüf ki, eyni yerdən aldı. Ağrısı çox idi.

- Bu cür matçlardan dərs çıxarmaq olar?
- Hər zaman dərs almaq lazımdı. Çünki fərdi və kollektiv olaraq bunu etmək lazımdı. Dərs çıxararkən, rəqibi də nəzərə almaq lazımdı. Gəlmişik işimizi görməyə. Daha yaxşısını edə bilərik.

- Nəticəni kənara qoysaq, ən çox nə xoşunuza gəldi?
- Elementar oyun idi. 7 qol imkanımız var idi, üçünü vurduq.

- 1995-ci ildə Azərbaycana qarşı oynamısız, 10:0 qalib gəlmişdiz. Bir ildən sonra dünya çempionu olduz. Sizə elə gəlmir ki, Fransa yenidən bir ildən sonra dünya çempionu olacaq?
- İstəyimiz ora seçilməkdi. Azərbaycana qarşı oyun uzun illər əvvəl olub. Səhv etmirəmsə, Oserdə oynayırdıq. O vaxt indiki oyunçularım dünyaya gəlməmişdi. Oyunçulara vaxt vermək lazımdı, gəncdilər.