"Zirə" Misli premyer-liqasının evdə keçirilən 28-ci tur matçında "Şamaxı"ya qalib gəldi - 3:0.

"Football-plus az" xəbər verir ki, "qartallar"ın baş məşqçisi Rəşad Sadıqov oyunsonrası mətbuat konfransında jurnalistlərin suallarını cavabladı.

- Birinci hissənin ilk dəqiqələri yaxşı başlasa da, sonradan oyun çətinləşdi. Hücumları istədiyimiz kimi qura bilmədik. Komandam fasilədən sonra xeyli fəallaşdı və lazım olan qolları vurduq. "Şamaxı" əzmkar komandadı. Son turlarda iddialı rəqiblərinə qarşı göstərdiyi oyunlarla seçilir. Hər halda, oyuna yaxşı kökləndik və vacib üç xal qazandıq.

- Fasilədə nəyi dəyişdiz?
- Futbolçulara tapşırıq verdik ki, hücumda daha fəal olsunlar. Həm 0:0 hesabı bizim üçün sərfəli deyildi, həm də "Şamaxı" fərqlənə bilərdi. İkinci qoldan sonra oyun bizim üçün daha rahat keçdi.

- Növbəti rəqiblər müvafiq olaraq "Qarabağ" və "Neftçi"di. Hər iki komandayla səfərdə qarşılaşacaqsız. Bu oyunlar haqda nə düşünürsüz?
- Həmin matçlara da xallar qazanmaq üçün çıxacağıq.

KƏNAN BAHADIR