“Təxminən bir ay öncə Fransa millisinin rəsmi fanklubu olan "Irrésistibles Français" tərəfindən bizim federasiya vasitəsilə, rəsmi matçdan öncə, Azərbaycan və Fransa azarkeşləri arasında yoldaşlıq görüşünün təşkili təklif olunmuşdu. Biz də "Milli Dəstə" olaraq buna müsbət yanaşmış və Avropanın fərqli ölkələrindən aktiv futbol oynayan üzvlərimizi bu oyuna cəlb etmişdik. Federasiyamız da əlavə olaraq bizim üçün xüsusi formalar hazırlamışdı. Təəssüf ki, dünən Fransa Futbol Federasiyasından daxil olan məlumata əsasən, Fransanın rəsmi fanklubu və federasiyası arasında olan anlaşmazlığa görə və təhlükəsizliyi təmin edə bilməyəcəyəklərini əsas gətirərək yoldaşlıq görüşü ləğv edilib. İstənilən halda, ölkə hüdudlarından kənarda yaşayan azərbaycanlılar olaraq, azarkeşlərimizi istər tribunada, istərsə də tribunadan kənarda layiqincə təmsil etmək bizim üçün şərəfdi və həmişə də buna hazırıq. Məlumat üçün də bildirək ki, Fransa - Azərbaycan matçında təxminən 160-180 nəfərlik dəstə ilə iştirak edəcəyik”.