"Bəli, biz birlikdə əvvəlcə Tovuz şəhər stadionunda yeni istifadəyə verilmiş əsas korpus binasının açılış mərasimində iştirak etdik. İnşası planlaşdırılan təlim-məşq bazasının salınacağı əraziyə baxış keçirmək imkanımız da oldu. Səfər çərçivəsində "Kəpəz", "Karvan" və "Mingəçevir"in də infrastrukturuna baxış keçirdik. Bilindiyi kimi, bu klublarla yaxından çalışırıq, bölgələrə dəfələrlə səfər etmişik və problemlərlə tanışıq. "Karvan"ın premyer-liqaya yüksəlmək şansının olduğunu nəzərə alsaq, infrastrukturla bağlı işlərə təcili başlanılmalıdı. Bunu klub rəhbərliyi ilə müzakirə etdik. Əsas komandanın istifadəsi üçün nəzərdə tutulan bina, demək olar ki hazırdı. Digər işlərin də yaxın zamanda başlayacağına inanıram. “Mingəçevir”in infrastrukturla bağlı planlarının isə 3 mərhələ şəklində icra olunması nəzərdə tutulub. İlk mərhələ stadion ərazisində olan süni örtüklü meydançanda 1-ci liqa şərtlərinə cavab verəcək şəraitin yaradılmasıdı. Bu mərhələ, demək olar ki, tamamlanıb və komanda artıq ev oyunlarını burda keçirir. İşlər plan üzrə davam edəcək".