“Düzü, “24-lük” haqda danışmaq üçün çox tezdi. Bunun üçün xallar lazımdı. “8-lik”, demək olar ki, mümkünsüzə yaxın görünür. “Atletik” səfəri olacaq. İspanlar bu mövsüm ÇL-də həm evdə, həm də səfərdə uduzublar. Bu oyunda şansımız çoxdu. Bir xal qazanmaq olar, hətta qələbə də mümkündü. “Çelsi” ilə oyun çox ağır olacaq. İngiltərə çempionatını izləyirəm. Onlarda oyun fasiləsi üç gün olur. Bu arada nələrsə etmək mümkündü. Rəqib futbolçularda yorğunluq ola bilər, bundan istifadə etmək olar. Başqa oyunlar haqda nə deyim? Hələ ki çox tezdi. Binanın mərtəbələrinə pillə-pillə qalxırsan. Bilbao səfərinə köklənmək lazımdı. Amma onu deyə bilərəm ki, “Qarabağ” çox baxımlı oyun göstərir. Yankoviçin zədələnməsi mənə çox təsir etmişdi. O, komandanın beynidi. Buna baxmayaraq, elə futbolçunun yoxluğu bilinmədi. Uşaqlar elə oynadı ki, bunu hiss etdirmədi. “Qarabağ” geridə qalan iki oyunda, sadəcə, qələbə qazanmayıb, həm də oyun baxımından rəqibini üstələyib. Düzdü, müəyyən vaxt kəsiyində rəqibin təzyiqi çox ola bilər, amma bu ümumi oyuna təsir etmir. “Qarabağ” son illərdə udsa da, uduzsa da, öz oyununu oynayır. Nəticə olaraq uduzsa belə, oyun baxımından rəqiblərindən geri qalmır. SSRİ vaxtında dahilər mənə deyirdi ki, oyun varsa, mütləq qələbə olacaq. “Qarabağ” çox böyük işlər görür”.