Əvvəlcə Bruney kral ailəsinə məxsus olan, lakin sonradan başqa sahibinə satılan "Maklaren F1" superkarı "Formula-1" Əbu-Dabi “Qran-pri”si zamanı "RM Sotheby's" hərracında satışa çıxarılacaq.

"Football-plus.az" xəbər verir ki, avtomobil 1994-cü ildə istehsal edilib və 64 nümunədən ibarət "Maklaren F1" seriyasında 14-cü olub. O, 627 at gücü hasil edən 6,1 litrlik BMW V12 mühərriki ilə təchiz edilib.

Avtomobilin başqa bir unikal xüsusiyyəti onun üzərində 1996-cı ildə Mihael Şumaherin avtoqraf qoymasıdı. Lakin sonradan 2007-ci ildə maşın yenidən rənglənib və bu dəfə Lüis Hemilton ora avtoqrafını qoyub.

Hərrac dekabrın 5-də "Formula-1" mövsümünün final mərhələsi ərəfəsində sıralama turları başa çatandan sonra keçiriləcək. Lotun 21 milyon dollardan çox olacağı gözlənilir.