Erlinq Holann yaxın gələcəkdə İspaniyada çıxış edə bilər.

"Football-plus.az" xəbər verir ki, “Barselona” rəhbərliyi “Mançester Siti”nin norveçli hücumçusunu hədəfə alıb. “El Nacional”ın məlumatına görə, klubun prezidenti Xuan Laporta 24 yaşlı forvardın transferini nəzərdən keçirir.

İspaniya nəhəngi təxminən 125 milyon avro dəyərində qiymətləndirilən bu keçidi maliyyələşdirmək üçün bir neçə futbolçunu satmağa hazırdı. İlk növbədə Ronald Arauxonun adı çıkilir. Həmçinin Daniel Olmo və Fermin Lopes də satış siyahısına düşə bilərlər.

Transfermarkt portalı Erlinqi 180 milyon avro dəyərində qiymətləndirir. Norveçlidən daha bahalı futbolçu isə 200 milyon avro dəyərində göstərilən Lamin Yamaldı.