"Barselona"nın prezidenti Joan Laporta Antuan Qrizmanın"Atletiko Madrid"ə keçidi barədə danışıb.

"Footbal-plus.az" xəbər verir ki, o, klubların 31 yaşlı forvardın transferini 20+4 milyon avroya razılaşdırdığını deyib:

"Hər şey razılaşdırılıb və bu, uğurlu müqavilədi. 20 milyon avro alacağıq, daha 4 milyon bonus olaraq veriləcək. Həmçinin "Atletiko" onu satsa, transfer məbləğinin müəyyən faizini - 40 milyon avroya qədər alacağıq.

Qorxurduq ki, iş məhkəməyə çatsa, çox vaxt aparacaq. Qrizmann dünya çempionatından sonra "Barselona"ya qayıtsa, maaşımız 36 milyon avro artacaq. Bunun nə qədər faciəvi olacağını təsəvvür edə bilməzsiniz".

Daha əvvəl "Atletiko"nun Qrizmann üçün 40 milyon avro ödəməli olduğu bildirilirdi.