“Kopenhagen” azı bir xal qazanmaq məqsədilə yollandığı Azərbaycandan əliboş qayıtdı. Hazırda “aslanlar”ın 1, liqa mərhələsinə möhtəşəm start verən “Qarabağ”ın isə 6 xalı var. Meydan sahibləri ilk hissədə cəmi bir qol vurdu. Ancaq komanda həmin oyunla daha böyük fərq yarada bilərdi. Düzü, “Qarabağ” hələ ilk yarıda qələbəni haqq etmişdi. Ancaq “Kopenhagen”in ikinci hissəyə dəyişikliklərlə başladı və qalan vaxtda daha yaxşı oyun sərgilədi. Buna baxmayaraq, “Qarabağ” daha bir qol vurdu. Hesab hadisələrin axarına uyğun oldu. Ona görə ki, azarkeşləri önündə meydana çıxan rəqib matça çox yaxşı hazırlaşmışdı. Komandanın motivasiyası çox yüksək idi. Əlbəttə, “Kopenhagen” ilk hissədə, sadəcə, bir qol buraxdığı üçün qapıçı Dominik Kotarskiyə təşəkkür etməlidi. Hə, bir də Yunnosuke Suzukiyə. Çünki onun meydana çıxmasından sonra oyun hakimiyyəti “aslanlar”ın əlinə keçdi. O başqa məsələ ki, topu daha yaxşı idarə etməyə başlayan Danimarka çempionu ikinci yarının əvvəllərində daha çox qol vəziyyəti yaratsa da, məqsədinə çata bilmədi”.