“Qarabağ”ın Çempionlar Liqasının Liqa mərhələsinin 2-ci turunda rəqibi olan “Kopenhagen”in işləri yolunda getmir.

Düzdü, Danimarka təmsilçisi ötən gün ölkə kuboku matçında “Lünqbü”nü meydanından qalib ayrılıb (2:0). Ancaq bunu uğur göstəricisi kimi saymaq məntiqəuyğun deyil. Ona görə ki, adı çəkilən rəqib aşağı liqa təmsilçisidi! Və komanda sentyabrda başqa qələbə qazanmayıb. Dəqiq desək, ölkə çempionatı çərçivəsində “Bröndbü”yə uduzan (1:2) paytaxt təmsilçisi “Seltik”lə heç-heçə edib (3:3). “Kopenhagen”in ÇL-in Liqa mərhələsinin ilk turunda “Bayer-04”lə heç-heçə etdiyini də (2:2) xatırladaq.

Qısası, “Kopenhagen” sentyabrı uğurlu keçirmir. Toparlanmaq üçün tək çarə sentyabrın 27-də ölkə çempionatı çərçivəsində səfərdə “Sendöriyske”yə qarşı keçiriləcək oyunda qalib gəlməkdi. Yalnız bu halda “Qarabağ”ın önünə daha yaxşı psixoloji vəziyyətdə çıxa bilərlər.

Bizə düşən isə “köhlən atlar”ı “doğma divarlar” arasında keçiriləcək oyunda dəstəkləməkdi. 30 mindən çox azarkeş 90 dəqiqə ərzində rəqibə meydanı dar etməlidi ki, xal ehtiyatımız 6-ya çatsın.

Öz aramızdı, daha bir qələbə üçün yaxşı fürsət deyilmi?

KƏNAN BAHADIR