Bu gün saat 10.19-da Heydər Əliyev Sarayının kassasının qarşısında idim.

“Qarabağ” artıq cümə günü 27500 bilet satıldığını elan etsə də, ənənəvi olaraq “İmarət Tayfa”ya aid sektorun biletlər sonradan - bazar ertəsi satışa çıxarıldı.

Əldə etdiyim məlumata görə, “İmarət Tayfa”nın olduğu 5-ci ci sektora 1200 bilet satışı nəzərdə tutulub. 900 bilet elə ilk gündə satılıb. İkinci və sonuncu satış günü 11.00-da başlamalıydı. Mən 11-ə 19 dəqiqə işləmiş kassaya yaxınlaşsam da, artıq 20-30 nəfər burda kassaların qarşısında öz yerini almışdı. Satış isə heç 11.00-da da başlamadı. Sistemdə yaranan problemə görə 50 dəqiqə gec, 11.50-də başladı. Düz 55 dəqiqə ərzində cəmi üç şəxs bilet ala bildi. Ona yaxın azarkeş dünən səhər 11 tamamdan axşam 6-ya qədər gözlədiyini bildirdi. Əvvəlcə sistem problemi, daha sonra kassada cəmi bir nəfərin olması, bilet almaq üçün gedənlərin də 10 dəqiqədən artıq gözləməsi üzündən yüzlərlə azarkeş bezib getdi. Axırda isə biletin tükəndiyini bildirdilər.

Maraqlıdı ki, 18 yaşdan aşağı, 30-dan yuxarı olan heç kimə bilet verilmirdi. Niyə? Klub və “iticket” bunu 6+ yazıb. Bu qaydanı kim özündən çıxardı, 300 bilet nə vaxt satıldı - bu da ayrı sual…

“Qara bazar”ı öldürmək istədilər, millətin gününü qara etdilər!

MÜZƏFFƏR QULUZADƏ