Yankoviç harda müalicə alır?

“Qarabağ” azarkeşləri “Benfika” üzərindəki parlaq səfər qələbəsinə görə nə qədər sevinmişdisə, Marko Yankoviç zədələnməsinə görə də bir o qədər üzüldü.

Əvvəlcə monteneqrolu yarımmüdafiəçinin zədəsinin ciddi olmadığı deyilsə də, sonra 6 həftəliyə sıradan çıxdığı bilindi.

“Football-plus.az” klubun Kommunikasiyalar Departamentinin rəhbəri Anar Hacıyevlə əlaqə saxlayaraq, Yankoviçin müalicəsinin Bakıda, yoxsa Monteneqroda getdiyini soruşub. Bəlli olub ki, 30 yaşlı yarımmüdafiəçi Bakıda müalicə alır.

Qeyd edək ki, Yankoviç “Qarabağ”a Çempionlar Liqasında ən az qarşıdakı iki oyunda kömək edə bilməyəcək.

MÜZƏFFƏR QULUZADƏ