"Doğma meydanda qələbə qazanmalıyıq" - "Benfika"nın baş məşqçisi
Portuqaliyanın "Benfika" klubunun baş məşqçisi Brunu Laji Çempionlar Liqasının əsas mərhələsinin ilk oyununda "Qarabağ"a qarşı keçirəcəkləri oyunla bağlı fikirlərini bildirib.
"Football-plus.az" xəbər verir ki, mütəxəssis Ağdam təmsilçisi ilə qarşılaşmada daha diqqətli olmalarını vurğulayıb.
O, bütün səylərini səfərbər etməyin vacibliyini vurğulayıb:
"Artıq toparlanmalı və bütün diqqətimizi növbəti qarşılaşmaya yönəltməliyik. Sentyabrın 16-da doğma meydanda qələbə qazanmalıyıq".
49 yaşlı baş məşqçi komandasının azarkeşlərinə də səslənib:
"Bizi dəstəkləməyə davam edin, Çempionlar Liqası matçında da burda olun, çünki turnirdə yaxşı mövsüm keçirməli və qalibiyyətlə başlamalıyıq".
Digər xəbərlər
