“İmişli” Qubada oynayacaqmı? - PFL-dən yekun qərar!
Sentyabrın 8-də Peşəkar Futbol Liqasının (PFL) təftiş qrupu “İmişli”nin ev oyunlarını Qubada keçirə bilib-bilməyəcəyi ilə bağlı son qərarı vermək üçün həmin rayona yollanmışdı.
Vəziyyətin nə yerdə olduğunu PFL-in Media və marketinq direktoru Sənan Abdullayevdən soruşmuşduq - kiçik işlər qaldığını, yekun qərarın isə dünən PFL-in İdarə Heyətinin iclasında veriləcəyini bildimişdi.
“Football-plus.az” yenidən Sənan bəylə əlaqə saxlayıb:
“Dünən təftişlə bağlı Peşəkar Futbol Liqasının İdarə Heyətinin görüşü oldu. Klubla da yenidən əlaqəyə keçildi. Qalan məsələlər bir daha müzakirə olundu. Düşünürük ki, qeyd etdiyimiz kiçik tamamlama işləri də o vaxta qədər yekunlaşacaq. Beləliklə, “İmişli” bundan sonrakı ev oyunlarını Quba Olimpiya Kompleksinin stadionunda keçirə biləcək. Bura həftəsonu keçiriləcək “Sumqayıt”la qarşılaşma da daxildi”.
MÜZƏFFƏR QULUZADƏ
Digər xəbərlər
