“İmişli” Misli premyer-liqasının 4-cü turunun oyununu Qubada keçirəcək.

"Football-plus.az" xəbər verir ki, bu barədə PFL məlumat yayıb.

"Pələnglər"in "Sumqayıt"ı qəbul edəcəyi matça sentyabrın 13-də, saat 16.30-da Quba Olimpiya İdman Kompleksinin stadionunda start veriləcək.

Stadionda təftiş nəticəsində meydana çıxan çatışmazlıqların aradan qaldırılması yönündə “İmişli” klubu tərəfindən işlər davam etdirilir.

PFL aparılan işləri nəzarətdə saxlayır. Yekun təftişdən sonra “İmişli” – “Sumqayıt” oyununun məkanında dəyişiklik ediləcəyi təqdirdə ictimaiyyətə məlumat veriləcək.

Xatırladaq ki, "İmişli" ilk 2 turdakı ev oyunlarını Şamaxı şəhər stadionunda keçirib.