Bu yay “Fulhem”dən ayrılan Villianın yeni klubu məlum olub. Braziliya millisinin sabiq üzvü yenidən ölkəsində çıxış edəcək.

O, “Qremio” ilə anlaşıb. Bu barədə insayder Fabritsio Romano məlumat yayıb. 37 yaşlı yarımmüdafiəçinin yeni klubu ilə bağladığı müqavilənin detallarına aydınlıq gətirilməyib.

Qeyd edək ki, Villian “Korintians”ın yetirməsidi. O, Avropada daha əvvəl “Şaxtyor”, “Anji”, “Çelsi”, “Arsenal” və “Olimpiakos”da da çıxış edib.