Çempionlar Liqasında əsas mərhələnin bütün iştirakçıları bəlli oldu. ''Kayrat'' və ''Qarabağ''dan fərqli olaraq ''Fənərbaxça'' türk dünyasını sevindirə bilmədi.

"Football-plus.az" xəbər verir ki, Joze Mourinyonun komandası səfərdə ''Benfika''a ilə qarşılaşmada 0:1 hesabı ilə məğlub oldu. Özü də ''Fənər''ə qənim kəsilən futbolçu uzun müddətdi bu kluba transferi gündəmdə olan Kərəm Aktürkoğlu oldu. Məhz türkiyəli ulduzun qolu sayəsində ''Benfika'' İstanbul nəhəngini məğlub etdi.

Maraqlıdı ki, Kərəm ÇL-də əcnəbi klubun heyətində Türkiyə klubuna qol vuran ilk türkiyəli futbolçu kimi tarixə düşdü. ''Fənərbaxça'' Mourinyonun başçılığı altında keçirdiyi 62-ci rəsmi oyunda ilk dəfə 90 dəqiqəni ''çərçivə''yə zərbə vurmadan tamamladı.

Beləliklə, ''sarı-lacivərdlilər''in ÇL həsrəti 17 ilə yüksəldi. Komanda sonuncu dəfə bu turnirin qrup/əsas mərhələsində 2008/09 mövsümündə çıxış edib. Bu il bu turnirdə Türkiyəni yalnız son çempion ''Qalatasaray'' təmsil edəcək.

Bu arada Kərəmin həm vurduğu qola sevinməməsi, həm də oyundan sonra ''Benfika''nın qələbəni qeyd edərkən komanda şəklində çəkdirdiyi şəkildə yer almaması onun ''Fənər''ə transferi ilə əlaqələndirildi.

Lissabonluların baş məşqçisi Bruno Laje bununla bağlı suala belə cavab verdi: