Qismət niyə qəbələli azarkeşlərlə dava etdi? – özü açıqladı
2-ci turun son qarşılaşmasında “Qəbələ” “Zirə”ni qəbul etdi. Oyun zamanı qəbələli azarkeşlər Qismət Alıyevlə mübahisə yaşadı.
İkinci hissədə Qismət azarkeşlər olan cinahda oynayırdı. Onlar isə yenə də Qismətə söz atdılar - “Burdan çıxmısan, niyə qudurdun?”, “Hamınız pul görən kimi şişirsiz” və buna oxşar cümlələr. Oyun gedə-gedə Qismət replikalara cavab verdi və onları daha çox özündən çıxardı. Azarkeş oyundan sonra səni gözləyəm, Qismət isə “çöldə məni gözləyərsən” dedi. Oyun başa çatandan sonra azarkeşlər çöldə yox, tribunada Qismətin onlara yaxınlaşmasını gözləyirdi. Qismət də yaxınlaşdı. Məsələ həll olunmadan bağlandı.
Çöldə Qisməti gözləyən bir nəfər var idi – mən. Davanın səbəbini soruşmaq üçün. O isə dolğun cavab vermədi:
“Bilmirəm niyə belə edirlər, nə deyə bilərəm”.
- Ola bilər ki, səni qısqanırlar?
- Niyə də yox?!
Hər halda, peşəkar futbolçunun, Rəşad Sadıqov kimi zəhmli baş məşqçinin komandasının kapitanının azarkeşlərlə mübahisə etməsi çox üzücü haldı.
MÜZƏFFƏR QULUZADƏ
Digər xəbərlər
