“2-ci liqa yeni yarışdı. Komandaların, həm də yarışla birbaşa və dolayısı ilə əlaqəsi olan şəxslərin peşəkarlıq yolunda irəliləməsinə şərait yaratmaq istədik. Açıq deməliyik ki, 2-ci liqada tələblər 1-ci liqa, kubok və gənclər liqasında olan qədər ciddi deyil. Lakin qaydaya görə, bir komanda rəsmi yarışda iştirak edirsə, müəyyən şərtlərə əməl etməlidi. Bura daxildi: oyuna vaxtında gəlmək, oyun protokolunu vaxtında doldurmaq, rəhbərlik və nümayəndələrin yerlərində olması, komandanın normal qaydada meydana çıxması, oyun təqviminə əməl olunması və digər oxşar hallar. Təəssüf ki, bəzi komandalar bu qaydaları dəfələrlə pozublar, hətta oyuna gəlməyən və ya gecikənlər olub. Peşəkar Futbol Liqası olaraq, hər belə halı protokola uyğun şəkildə qeydə almışıq. 2-ci liqada iştirak istəyi ilə çoxlu müraciət daxil olub – ümumilikdə 10 klub müraciət göndərib. Hər müraciətə fərdi qaydada baxılıb, klublarla görüşlər keçirilib. “Ağstafa Gəncləri”nin yüksəlmə səbəbi də idman prinsiplərinin qorunmasıdı. Avqustun 9-10-da əməkdaşlarımız Ağstafa şəhərinə gedəcək, stadionun vəziyyəti ilə tanış olacaq və “Ağstafa Gəncləri” klubunun rəhbərliyi ilə görüşəcək”.