Peşəkar Futbol Liqası bir neçə gün əvvəl ötən mövsüm 2-ci liqada çıxış edən “Qusar”nın qarşıdakı mövsümdə iştirak etməyəcəyini açıqladı. Qurum səbəb kimi komandaya mövsüm ərzində dəfələrlə sistematik pozuntulara görə ciddi xəbərdarlıqların olduğunu, klubuna isə buna məhəl qoymadığını göstərib.

Başverənlərə bağlı klubun vitse-prezidenti Kamran Əlibabayevlə əlaqə saxladıq. Onun dediyinə görə, PFL-in qərarının əsas səbəbi klubdan istənilən zəmanət məktubunun verilməməsidi. Əlibabayev mövsüm ərzində baş verən sistematik pozuntulardan xəbərdar deyil. Kamran bəy klub prezidenti Kamil Məmmədovun daha ətraflı cavab verə biləcəyini dedi. Kamil bəylə əlaqə saxladıqda isə artıq iki ildi klubu buraxdığını bildirdi. “Qusar”ın Region Liqasında oynayacağı da sual altındadı.

Xatırladaq ki, “Qusar”ın əvəzinə 2-ci liqada Region Liqasının üçüncüsü “Ağstafa Gəncləri” çıxış edəcək.

MÜZƏFFƏR QULUZADƏ